ԱՆՎԱԴՈՂԵՐԻ ՆՈՐՈԳՈՒՄ 

             REMA TIP TOP   ԸՆԿԵՐՈՒԹՅԱՆ    ՏԵԽՆՈԼՈԳԻԱՆԵՐՈՎ

Անվադողերի ճիշտ տեխնիկական սպասարկումը և նրանց նորոգումը կազմում Է ժամանակակից ավտոսպասարկման կենտրոնի անբաժանելի մասը, իսկ նորոգման նոր տեխնոլոգիաները  պահանջում են համապատասխան գիտելիքներ և տեխնոլոգիայի  խստագույն պահպանում:

Մեր նոր գործընկերը, գերմանական  REMA TIP TOP ընկերությունը, անվադողերի նորոգման բնագավառի համաշխարհային առաջատարն է: Ընկերության կողմից ստեղծված նորագույն տեխնոլոգիաները, բարձրորակ սարքավորումները և նյութերը ունեն համաշխարհային ճանաչում:

ZX ԳԱՐԱԺ -ը հանդիսանալով   REMA TIP TOP-ի պաշտոնական դիլերը ՀՀ տարածքում, ներկայացնում է ընկերության սարքավորումների, նյութերի ամբողջ տեսականին և նրանց օգտագործման տեխնոլոգիաները: 

ZX ԳԱՐԱԺ -ի  հրավերքով, REMA TIP-TOP ընկերության ուսումնական կենտրոնի մասնագետներ Անդրեաս Գրոտերը և Սերգեյ Պետրուխինը , մեր աշխատակիցների համար կազմակերպեցին վերապատրաստման դասընթացներ: Նրանք ծանոթացրին ընկերության կողմից արտադրվող սարքավորումներին և նյութերին: Գործնական աշխատանքներով ցույց տվեցին մարդատար և բեռնատար ավտոմեքենաների և հատուկ տեխնիկայի խոշոր չափի անվադողերի նորոգման  տեխնոլոգիաները, ինչպես նաև բեռնատար ավտոմեքենաների անվադողերի անվանախշի վերականգնումը փորակման (нарезка) եղանակով: 

 REMA TIP-TOP-ից ձեռք բերված սարքավորումները, նյութերը և նոր տեխնոլոգիաների կիրառումը  թույլ տվեցին բարձրացնել անվադողերի նորոգման որակը և հուսալիությունը, ինչում համոզվել են մեր այն հաճախորդները, որոնք արդեն օգտվել են այդ ծառայություններից: 

 Մենք իրականացնում ենք.

- մարդատար, բեռնարար ավտոմեքենաների, ավտոբուսների և հատուկ տեխնիկայի անվադողերի վնասվածքների, այդ թվում կողքամասի պատռվածքների,խոցերի և թափանցիկ վնասվածքների նորոգում 

-բեռնատար ավտոմեքենաների և ավտոբուսների անվանախշի վերականգնում, որը զգալիորեն տնտեսում է ավտոմեքենաների շահագործման հետ կապված  ծախսերը:

Այն կազմակերպությունները, որոնք ցանկանում են ունենալ նման ծառայություններ, մեզ մոտ կարող են ձեռք բերել  REMA TIP-TOP ընկերության կողմից արտադրվող բոլոր սարքավորումները և նյութերը, ինչպես նաև բարձրացնել աշխատակիցների որակավորումը: